Kundamala 2.5

2.5

la-sumantra ! atirabhasapravṛttavegatvādanālakṣitasamaviṣamāsturaṃgamā gaṃgāprapāte syandanaṃ vinipātayanti, tat sarvātmanā kriyatāṃ
yatnaḥ
su—( rajjvākarṣaṇamabhinayati )
amī turaṅgamāḥ śravaṇeṣu amandraṃ patadbhiḥ kalahaṃsanādaiḥ
vikṛṣyamāṇāḥ pragrahasaṃyamasya anāśravāḥ tūrṇataraṃ prayānti
la-eṣa sthito rathaḥ, tadavataratu devī
sī-(avatīyaṃ parikrāmati )
la-sumantra ! dīrghamārgapariśrāntā ete turaṅgamāḥ, tadviśrāmayaitān
su-yadājñāpayati devaḥ ( iti rathamadhiruhya niṣkrāntaḥ)
la-(parikramya ātmagatam )
samādiṣṭo'hamāryeṇa, athavā svāminā--vatsa lakṣmaṇa ! devyāḥ
kila sītāyāḥ rāvaṇabhavanasaṃsthānāccāritraṃ prati samutpannavimarśānāṃ
paurāṇāmanyādṛśāḥ pralāpāḥ pravarttante, tanna śaknomi sītāmātrasyaṃ
kṛte śaraccandranirmalasyekṣvākukulasya kalaṅkamutpādayitum | sītayā
cāhaṃ garbhiṇībhāvasulabhena dohadena bhāgīrathīdarśanaṃ prārthitaḥ
tasmāt tvamanena gaṅgāgamanavyājena sumantrādhiṣṭhitaṃ rathamāropya
kasmiṃścidvanoddeśe parityajya nivarttasva--iti | tadahamapi svajanavistrambhanirviśaṅkāṃ devīmādāya gṛhahariṇīmiva vadhyabhūmiṃ vanamupanayāmi
sī - vaccha lakkhaṇa ! adisaidagabbhabharuvvahaṇaparissaṃtā ṇa
ppahavaṃti me calaṇā | tā aggado bhavia ṇiivehi kīsadūre bhaavaī bhāīraī vaṭṭaditti
vatsa lakṣmaṇa ! atiśayitagarbhabharo dvahanapariśrāntau na prabhavato
me caraṇau | tadagrato bhūtvā nivedaya kiyaddūre bhagavatī bhāgīrathīṃ
vartata iti
la-nantvāsannaiva bhagavatī bhāgīrathī, tadalaṃ viṣādena, saṃprāptā
eva vayam | paśya-śrādāya paṅkajavānanmakarandagandhān
karṣannitāntamadhurān kalahaṃsanādān
śītāstaraṅgakaṇikā vikirannupaiti
gaṃgā'nilastava sabhājana kāṅkṣayeva