Kundamala 3.8

3.8

rā—( nirvarṇya romāñcamabhanīya ) vatsa, dṛṣṭapūrvamidaṃ kusumaracanāvinyāmakauśalam
la—kva dṛṣṭam ?
rā—kva vānyatredṛśasyāvasthānam ?
la—kiṃ devyām ?
rā—atha kim ?
la—ko jānāti durvidagdhaḥ prajāpatiḥ kathaṃ kathaṃ krīḍatīti | gacchatvāryaḥ idameva gomatītīraṃ pratisroto'nusarāvo yāvadasyāḥ
kundamālāyāḥ prabhavamāsādayāvaḥ
rā—sulabhasādṛśyo lokasanniveśaḥ | navaitāvadasmākaṃ bhāgadheyam
itaścātyantaviprakṛṣṭe deśe parityaktāyāḥ sītāyāḥ āgamanaṃ na
sambhāvyate | tathāpyādeśaya mārgaṃ yenedaṃ salilāntaramamuñcantau
vasatimāsādayāvaḥ
la—eṣā nadībhūmiḥ kaṇṭakitaśarkarāśuktipuṭaduḥkhasañcārā, tadyathā
yathā mārgamādeśayāmi tathā tathā śanairāgantavyamāryeṇa
rā—evaṃ kriyatām | yadyapīyamabhimatā kundamālā tathāpi devatopahāraśaṅkayā nopabhogamupanīyate | ( iti vimuñcati )
etāṃ vetralatāṃ vilaṅghya, śuktayaḥ ( iti ) asmin padaṃ mā kṛthāḥ, puro
dūrāvanamraḥ taruḥ ( iti ) vyavadhāya mūrdhānaṃ nāmaya | imāṃ tiraścīṃ śākhāṃ cāpāgreṇa
vikṛṣya purataḥ vimuñca | purā śarārudayitā uttrasyanti dhīraṃ parikramyatām
la-etāṃ vetralatāṃ vilaṅghya, padaṃ māsmin kṛthāḥ, śuklayo,
mūrdhānaṃ vyavadhāya nāmaya puro dūrāvanamrastaruḥ
cāpāgreṇa vikṛṣya muñca purataḥ śākhāṃ tiraścīmimāmuttrasyanti purā śarārudayitā dhīraṃ parikramyatām