Mitabhashini 1.24

1.24

rājā ( ātmagatam )—labdhāvakāśo me manorathaḥ
priyaṃvadā (sasmitaṃ śakuntalāṃ vilokya nāyakābhimukho
bhūtvā )—puṇo vi vattukāmo vvia ajjo [ punarapi vaktukāma iva
āryyaḥ ]| ( śakuntalā sakhīmaṅgulyā tarjayati | )
rājā—samyagupalakṣitaṃ bhavatyā | asti naḥ saccaritaśravaṇalobhādanyadapi praṣṭavyam
priyaṃvadā—ala viāria | aṇiyantaṇāṇuoo tapassiaṇo ṇāma [ alaṃ vicārya | aniyantraṇānuyogaḥ tapasvino
nāma ]
rājā—iti sakhīṃ te jñātumicchāmi—
vaikhānasaṃ kimanayā vratamāpradānād
vyāpārarodhi madanasya niṣevitavyam
atyantameva sadṛśekṣaṇavallabhābhir
āho nivatsyati samaṃ hariṇāṅganābhiḥ
priyaṃvadā—ajja, dharmacaraṇe vi paravaso aaṃjaṇo ! guruṇo
uṇa se anurūavvarappadāṇe saṃkappo [ ārye, dharmacaraṇe'pi paravaśaḥ
ayaṃ janaḥ | guroḥ punarasyā anurūpavarapradāne saṅkalpaḥ ]
rājā ( ātmagatam )—na khalu durvāpeya prārthanā
bhava hṛdaya sābhilāṣaṃ samprati sandehanirṇayo jāta
āśaṅkase yadagniṃ tadidaṃ sparśakṣamaṃ ratnam