Mitabhashini 3.8-2

3.8-2

anasūyā—halā sauntale, aṇava bhandarā kkhu amhe maaṇagadassa vuttantassa | kintu jādiso itihāsaṇibandhesu kāmaamāṇāṇaṃ avasthā suṇīadi tādiso de pekkhāmi | kahehi
kiṃnimittaṃ de santāvo [halā śakuntale, anabhyantarāḥ khalu vayaṃ
madanagatasya vṛttāntasya | kintu yādṛśī itihāsanibandheṣu
kāmayamānānām avasthā śrūyate tādṛśīṃ te prekṣe | kathaya kiṃnimittaṃ te santāpaḥ ] | viāraṃ kkhu paramatthado ajāṇia aṇārambho paḍiārassa ( vikāraṃ khalu, paramārthataḥ ajñātvā anārambhaḥ
pratikārasya )
rājā—anasūyāmapyanugato madīyastarkaḥ| na hi svābhiprāyeṇa me darśanam
śakuntalā (ātmagatam)—balavaṃ kkhu me ahiṇibeśo
dāṇiṃ vi sahasā edāṇa ṇa sakkomi ṇivedituṃ [balavān khalu
me abhiniveśaḥ| idānīmapi sahasā etayorna śaknomi nivedayitum]
priyaṃvadā—sahi suṣṭhu esā bhaṇādi—kiṃ attaṇo ātaṅkaṃ
uvekkhasi| aṇudivasaṃ kkhu parihīyasi aṅgehiṃ kevalaṃ lāvaṇṇamaī chāyā tumaṃ na muñcaṭi [sakhi suṣṭhu eṣā bhaṇati—kimātmana
ātaṅkamupekṣase| anudivasaṃ khalu parihīyase aṅgaiḥ| kevalaṃ
lāvaṇyamayī chāyā tvāṃ na muñcati|]
rājā—avitathamāha priyaṃvadā | tathāhi—
kṣāmakṣāmakapolamānanamuraḥ kāṭhinyamuktastanaṃ
madhyaḥ klāntataraḥ prakāmavinatāvaṃ'sau chaviḥ pāṇḍurā
śocyā ca priyadarśanā ca madanakliṣṭeyamālakṣyate
patrāṇāmiva śoṣaṇena marutā spṛṣṭā latā mādhavī