Vinavasavadatta 2.16-2
Vīṇāvāsavadatta 2.16-2
- Language
- Sanskrit
2.16-2
śāla—pratigṛhīto devasya prasādaḥ | kintu svāmino yathoddiṣṭakāritā nanu
paratreha ca hitasukhayornidānam
rājā—bho sūryadatta ! tatrabhavān bharatarohakastvadguṇavibhūtimasahamānaścaṇḍāla
iva varāhakalahe dvayorekataravadhenātmano vṛttimapekṣamāṇastvāṃ nityaṃ
jighāṃsurīdṛśeṣvāsannāpāyeṣu niyunākti, lakuṭasthānīyastvaṃ tasya saṃvṛttaḥ
śāla—mahāsenasyāhaṃ bhṛtyo na bharatarohakasya
rājā—ārya ! pradyotasyātikrūrasya samīpacāriṇo vyāghrasamīpacāriṇo mṛgasyeva
niyatastava pratyavāyaḥ | tatastatra sthānaṃ na śreyaskaraṃ bhavataḥ | api ca,
parīkṣyatāṃ tāvadbhavatā
jālena vahnivadavāryatarastvayāhaṃ
pradyotano (to) dhruvamatastava mṛtyureva
pauroprahastipakanāpitasūdamukhyān
yo'han kṛtāgasamasau na hinasti kiṃ tvām