Vikramarkacaritra 8.1-6

8.1-6

iti pratyabhāṣata | tato rājā 'tatsarvamaindrajālikāya pradīyatām' ityādideśa | bhāṇḍāriko'pi tatsarvamaindrajālikāya prādāt | " iti | imāṃ kathāṃ
kathayitvā pāñcālikā bhojarājamabravīt - 'īdṛśā audāryādayo guṇā
yadi vidyante tadāsminbhadrāsane samupaviśa' iti | so'pi tādṛśānguṇānātmanyapaśyan 'nāhamidaṃ bhadrāsanamarhāmi' iti manvānastūṣṇīṃ tato nyavartata
iti triṃśamupākhyānam
athaikatriṃśamupākhyānam
punarapyekadā siṃhāsanamāroḍhumāgataṃ bhojaṃ pāñcālikā nivārya vyājahāra -
'bho mahīvallabha vikramastatsadṛśo vā vahediti mahendreṇa dattādeśamidaṃ bhadrāsanam | ato yadi tadīya maṅgalaguṇāstvayi vidyante tadā kāmamupaviśa'
iti | tato rājñā 'kathaya tasya maṅgalaguṇān' iti pṛṣṭā sādhvevaṃ kathayāmāsa-- "rājanyikrame mahīṃ śāsati kadācitkaściddigambaraḥ samāgamya
śrīśo dadātu bhagavānbhaktānāṃ vaḥ samīhitam
yaddktaḥ śukkutāmeti muktikanyākaragrahe