Padacandrika 1.p1

1.p1

umāputraṃ namaskṛtya yājñavalkyaṃ gurūṃstathā svarādīnāṃ prabodhāya kriyate padacaṃdrikā 1 uccairudātto vijñeyo'nudātto nīca eva ca svaraścobhayavānsvāraḥ pravāṃ svaśca nidarśanaṃ 2 svaro hrasvo'pyudāttaḥ syānnīcaḥ svarita eva ca dīrghapluto'pyevameva jñeyaṃ sarvatra vaidikaiḥ 3 aṣṭau svarān pravakṣyāmi teṣāmeva tu lakṣaṇaṃ jātyo'bhinihitaḥ kṣaipraḥ praśliṣṭaśca tathāparaḥ 4 tairovyaṃjanasaṃjñaśca tathā tairovirāmakaḥ pādavṛttastathātāthābhāvyaścāṣṭausvarāḥ smṛtāḥ 5 vyaṃjanaistu yavaubhyāṃ ca paro yaḥ svāra eva ca apūrvo nīca pūrvo vā jātyaḥ svāraḥ sa ucyate 6 dhānyaṃ manuṣyāṃ cambī ca vīryaṃ kanyā iveti ca bhāvyaṃ cokthyaṃ pathye vā pūrva nīcaḥ sva ucyate 7 edottoruccayoryatra nīcokāraḥ paro yadi pūrvarūpe'bhinihito'pyudāttasya tu bādhakaḥ 8 visargo'pyupadhā yuktaścautvamāpadyate yadā akāre ca pare caiva vedo asīti ca sthite 6 edobhyāṃ ca parokāraḥ pūrvarūpaṃ tu niścitaṃ āpadyate teṣvarasāṃ vedosīti nidarśanaṃ 10 iuvarṇau udāttau ca yavau ca prāptutastadā anudātte pare caiva yavābhyāṃ nīca eva ca svaritaḥ kṣaiprasaṃjñaḥ syādvājyarvan tryaṃbakaṃ tathā devye tu sūnṛtā caiva dvannonvīṃdraśceti darśanaṃ 11 hrasvekāro'pyudāttaśca nīcekāraḥ parastathā