Shivattvaratnakara 103.19

103.19

kṛṣṇāyasamayaṃ liṅgaṃ pūjayantyasurottamāḥ
rākṣasāśca mahātmānastena te'mitavikramāḥ
trapusīsamayaṃ liṅgaṃ piśācāḥ pūjayanti te
divyaiśvaryasamāyuktāḥ prayānti paramaṃ padam
lohatrayamayaṃ liṅgaṃ yajante guhyakādayaḥ
tena yogabalopetāḥ prayānti paramaṃ padam
pravālaracitaṃ liṅgaṃ yajante pannagottamāḥ
tena nāgāssubhogāndhyāḥ prāptāste paramaṃ padam
evaṃ devāssagandharvā rākṣasoragayakṣapāḥ
pūjayanti sadākālamīśānaṃ suranāyakam
ye vāñchanti mahābhogān rājyaṃ vā tridaśālayam
te'rcayanti sadā bhaktyā harasya caraṇāmbujam
vidyā rūpaṃ dhanaṃ saukhyaṃ satkulaṃ hīnarogatā
svargavairāgyamokṣāśca śivapūjāvidheḥ phalam
yo na pūjayate mohālliṅgaṃ tribhuvaneśituḥ
na sa svargasya mokṣasya vairāgyasya ca bhājanam
yo dadāti gavāṃ lakṣaṃ dogdhrīṇāṃ vedapārage
1) ekāhamarcayelliṅgaṃ tasya puṇyaṃ tato'dhikam
ye'rcayanti sadā śambhuṃ na te prākṛtamānuṣāḥ
rudralokāt paribhraṣṭāste rudrā nālasaṃśayaḥ
pāpaghnāssarvamartyānāṃ darśanāt sparśanādapi
tasmādekamanā bhūtvā yāvajjīvapratijñayā
śivapūjāvidhiṃ kuryād yadīcched bhūtimātmanaḥ
liṅge sadāśivo devassākṣānnityaṃ vyavasthitaḥ
anugrahāya lokānāṃ tasmālliṅgaṃ prapūjayet
hanyāt kruddho'pi cākāśaṃ kṣudhārtaḥ khādayocchilāḥ
tyaktvā liṅgārcanaṃ mūḍho muktyarthī tritayaṃ vṛthā
yatpuṇyaṃ pratimācāyāṃ 2) yugakoṭiśatairapi
tatphalaṃ labhate martyo liṅge tu ghaṭikārdhake
niyamadyastu kurvīta bhaktiṃ vā drohameva vā
tasyāpi ca prasanno'sau phalaṃ yacchati vāñchitam
ruddhaṃ kiñcitsamādāya kṣullakaṃ jalameva vā
yo datte niyamenāsau tasmai datte jagatrayam
candanaṃ bilvakāṣṭhaṃ ca puṣpāṇi vanajānyapi