Shivattvaratnakara 103.53

103.53

mukhavāsananīrājadarpaṇaṃ ca phalāni ca
pradakṣiṇaṃ ca tāmbūlaṃ namaskārastutī tathā
purāṇapaṭhanaṃ chatraṃ vyajanaṃ cāmaraṃ tathā
śayyā saṅgītanṛtte ca vādyāni ca tataḥ param
ātmanyāropaṇaṃ ceti dvātriṃśadupacārakāḥ
āvāhanaṃ ca yaḥ kuryāt sa tu kratuphalaṃ bhajet
āsanaṃ ruciraṃ datvā śakratvaṃ samavāpnuyāt
pādyena pātakaṃ hanyādarghyeṇāpnotyanarghyatām
tataścācamanaṃ datvā śucitvaṃ saukhyamāpnuyāt
snānaṃ vidhibhayaṃ hanyādbrahmamāyuṣyavardhanam
upavītapradānena brahma sākṣāt samaśnute
bhūṣaṇāni ca yo dadyād gāṇapatyamavāpnuyāt
nānāpuṣpapradānena svargarājyamavāpnuyāt
dhūpo dahati pāpāni dīpo mṛtyuvināśakaḥ
1) sarvakāmaistu naivedyaṃ datvā tṛptirato bhavet
mukhavāsanadānena kīrtimān bhavati dhruvam
nīrājanena śuddhātmā darpaṇena prakāśavān
phaladaḥ putravān martyastāmbūlāt svargamāpnuyāt
pradakṣiṇaṃ tataḥ kuryāt pāpaṃ hanti pade pade
daṇḍapraṇāmaṃ yaḥ kuryāddevamuddiśya sannidhau
varṣāṇi vasati svarge dehato reṇusaṅkhyayā
stotreṇa divyadeho'pi vāgmī bhavati kīrtanāt
purāṇapaṭhanenaiva sarvapāpakṣayo bhavet
chatraṃ datvā maheśāya nandīśvarasamo bhavet
tālavṛntena saṃvījya vāyuloke mahīyate
mayūracāmaraṃ datvā mayūragaṇarāḍ bhavet
datvā tu cāmaraṃ yastu devasyāgre pravījayet
yugakoṭiśataṃ svarge sthitvānte rājyamāpnuyāt
mṛduśayyāpradānena cākṣayaṃ padamaśnute
gītaṃ nṛttaṃ ca yaḥ kuryāt sarvakratuphalaṃ bhajet
mukhaśravaṇatāṃ gacchedrādyena śivasannidhau
hṛtpaṅkaje śivaṃ sthāpya śivatvaṃ prāpnuyād dhruvam
evaṃ saṃkṣipya kathitā upacārā anuttamāḥ
anyānpyupacārāṃstu mūlamantreṇa dāpayet