Shivattvaratnakara 104.12

104.12

cakāra śāsanādhīnaṃ sarvaṃ sāmantamaṇḍalam
tataśca sarvayavanasārvabhaumapadaṃ gate
nṛpaśreṣṭhān dvipañcāśatsaṃkhyākān balavattarān
unmūlyairiṃtāṃ prāptuṃ chatrādhipatiśabditam
rāmarājanṛpaṃ jitvā gṛhitumabhivāñchati
mlecche varaṅgakhānākhye samāyāti balīyasi
kālaṃ pratīkṣamāṇātha nirgatya sa sudhīstataḥ
caritvā tatra tatrāpi nṛpo mārgavaśāgataḥ
samāgato'bhavaddeśamimaṃ ca saparicchadaḥ
svadeśaṃ samupāyāntaṃ rāmarājaṃ vibhāvya sā
mahatāmapi śūrāṇāṃ balināṃ nītivedinām
parābhavastatra tatra pūrveṣāmapi 1) dṛśyate
hariścandraśca nahuṣo nalo dāśarathistathā
dharmātmajastathānye ca nṛpāstatra nidarśanam
sampado mahatāmeva mahatāmeva cāpadaḥ
hīyate vardhate candro naivaṃ nakṣatratārakāḥ
tasmādupāgatāyāsmai saṃmānanamihocitam
ityālocya nijaissārdhaṃ mantrayitvā ca mantribhiḥ
mahārhavastrabhūṣādyairmānayāmāsa mānitam
anudhāvya tamāyāntamuddhataṃ mlecchanāyakam