Shivattvaratnakara 30.111

30.111

ekabhuktena naktena tathaivāyācitena ca
upavāsena caivāyaṃ pādakṛchraḥ prakīrtitaḥ
sāyaṃ tu dvādaśa grāsāḥ prātaḥ pañcadaśa smṛtāḥ
saptaviṃśatibhirgāsaiḥ paraṃ niraśanaṃ smṛtam
kukkuṭāṇḍapramāṇāḥ syuryathāvāsyaṃ viśetsukham
yathākathaṃcittriguṇaḥ prājāpatyo'yamucyate
ayamevātikṛcchraṃ syātpāṇipūrātrabhojanaṃ
kṛchrātikṛchratapasā divasānakaviṃśatim
dvādaśāhopavāsaśca parākaḥ parikīrtitaḥ
piṇyākatilatakrāmbusaktubhiḥ prātivāsaram
ekarātropavāsaśca kṛchrassaumyo'yamucyate
tithivṛddhyā haretpiṇḍān śukle śikhyaṇḍasammitān
ekaikaṃ hrāsayetkṛṣṇe piṇḍaṃ cāndrāyaṇaṃ tvidam
yathākathaṃcitpiṇḍanāṃ catvāriṃśaccatadvayam
māsenaivopayuñjīta cāndrāyaṇamidaṃ param
aṣṭāvaṣṭau samaśnīyātpiṇḍānmadhyandine sthite
niyatātmā haviṣyaṃ ca yadi cāndrāyaṇaṃ caret
(caturaḥ prātaraśnīyād grāsānatisamāhitaḥ
caturo'stamite sūrye śiśucāndrāyaṇaṃ caret ||)
trīṃstrīnpiṇḍānsamaśnīyanniyatātmā dṛḍhavrataḥ
haviṣānnena vai māsasṛṣicāndrāyaṇaṃ bhavet
ekaikaṃ hrāsayed grāsaṃ kṛṣṇe śukle ca vardhayeta
upaspṛśya triṣavaṇametaccāndrāyaṇaṃ smṛtam
etadācaraṇaṃ nṛṇāṃ sarvapāpaviśodhanam
mānasānāṃ vācikānāṃ kāyikānāṃ ca pāpmanām
sakṛdāmyāsato vā'pi jñānato jñānato'pi vā
kṣudrāṇāṃ mahatāṃ cāpi kṛtānāṃ bahubhedinām
prāyaścittaṃ bhavedekā sakṛcchivapadasmṛtiḥ
iti śrīśivatattvaratnākare caturthakallole
prāyaścittanirūpaṇaṃnāma saptamastaraṃgaḥ