Shivattvaratnakara 31.1

31.1

athāṣṭamastaraṃgaḥ
janamejayaparyantaṃ dvāpare somavaṃśajāḥ
sūryavaṃśasamutpannāssumitrāntāḥ kalāviti
udīritamabhūtsvāmin! kalau tadvaṃśasaṃbhavāḥ
varṇāśramārhadharmāṇāṃ pālanaṃ cakrire navā
etanmahyaṃ samākhyāhi śrotumasti kutūhalam
pāpaissamāvṛte 1)tvasminkalāvate yuge nṛpāḥ
sarvānvarṇāśramācārānasaṃkaramavartayan
tānbravīmyadhunā putra! rājño dharmaparāyaṇān
somavaṃśasamutpannānprathamaṃ janamejayāt
śatānīkastataścāśvameghadatto'bhavatsutaḥ
kṛṣṇastasmādabhūduṣṇastata 2)ścitrarathastataḥ
3) draṣṭamānabhavattasmātsuṣeṇo'smātsunītakaḥ
tato hato nṛcakṣustu tasmātsukhabalastataḥ
pariplavastusunayastato medhāvṛtaḥ param
nṛpañjayastato dūrvastasmāttigmo'bhavattataḥ
śatānīko durdamastatastasmādvahī tataḥ
caṇḍapāṇistatastasmānnimistu kṣemakastataḥ
kalau yuge somavaṃśe rājñāṃ tu kṣemako'vadhiḥ
tataḥ paraṃ bhūpatiṣu bhuvi saṃkīrṇajātiṣu
varṇānāmāśramāṇāṃ ca dharmahrāsaḥ kramādabhūt
dharmapravṛttiṃ śithilāṃ vilokya ca samantataḥ
avatīrya dayāvaśyo bhagavānvṛṣabheśvaraḥ
dharmaṃ saṃsthāpayāmāsa sarvameva dharātale
vīraśaivamataṃ sthāpya prakāśanamakārayat
tasyāvirbhāvamadhunā vicitraṃ kathayāmi te
mithassaṃvādarūpeṇa purāṇāntaḥ pratiṣṭhitam
maheśvaro bhavaśśambhuḥ pārvatī vallabhaśśivaḥ
ādisargasya samaye prapañcasyākhilasya ca