Shivattvaratnakara 31.43

31.43

nandā bhadrā ca surabhissuśīlā sumanāstathā
vṛṣendraśca mahātejā dharmo dharmātmajastathā
āvṛṛtya māṃ tathāliṃgya tuṣṭuvurmuni sattamāḥ!
śilādau'pi munirhṛṣṭvā pitā me tādṛśaṃ tadā
prītyā praṇamya tuṣṭātmā tuṣṭāveṣṭapradaṃ sutam
śilādaḥ
bhagavan! devadeveśa! triyambaka! mamāvyaya!
putro'si jagatāṃ yasmāttrātā duḥkhaṃ ca kiṃ punaḥ
rakṣako jagatāṃ yasmātpitā me putra! 1)suvrata!
ayonija! namastubhyaṃ jagadyone! pitāmaha!
pitaḥ! putra! maheśāna! jagatāṃ ca jagadguro!
tvayā'haṃ nandito yasmānnandī nāmnā sureśvara!
tasmānnandaya māṃ nandin! namāmi jagadīśvara!
prasīda pitaro me'dya rudralokaṃ gatā vibho!
pitāmahāśca bho nandin! avatīrṇe maheśvare
mamava saphalaṃ loke jananaṃ jagatāṃ guro!
tubhyaṃ namassureśāna! nandīśvara! maheśvara!
putra! pāhi mahābāho! devadeva! jagadguro!
putraṃ tvāmeva nandīśa! matvā yatkīrtitaṃ mayā
kṣamyatāṃ kṣamyatāṃ vatsa! vatsa! stutya! surāsuraiḥ
evaṃ stutvā tu taṃ bālaṃ praṇamya bahumānataḥ
munīśvarān sa saṃprekṣya śilāda 2)ssaṃvṛto'vadat
śilādaḥ
paśyadhvaṃ munaya!ssarve! mahābhāgyaṃ mamāvyayam
nandī yajñāṃkaṇe devaścāvatīrṇo yataḥ prabhuḥ
matsamaḥ kaḥ pumānloke devo vā 3)dānavo'pi vā
eṣa nandī yato jāto yajñabhūmau hitāya me
śailādiḥ
mayā saha pitā tuṣṭaḥ praṇamya ca maheśvaram
uṭajaṃ svaṃ jagāmātha4) nidhiṃ labdhveva nirdhanaḥ
yadā gato'hamuṭajaṃ śilādasya mahāmuneḥ
tadā vai daivikaṃ rūpaṃ tyatkā mānuṣyamāsthitaḥ