Shivattvaratnakara 31.58

31.58

mānuṣyamāsthitaṃ dṛṣṭvā pitā me lokapūjitaḥ
nyalapadduḥkhito'tyarthaṃ svajanaiśca samāvṛtaḥ
jātakarmodikaṃ caiva cakāra mama sarvavit
sālaṃkāyanaputro vai śilādaḥ putravatsalaḥ
upadiṣṭā hi tenaiva ṛk sāmayajuṣī tathā
sāmaśākhāsahasraṃ ca sāṃgopāṃgaṃ mahāmune!
āyurvedo dhanurvedo gāndharvo vāstulakṣaṇam
hastināṃ caritaṃ caiva narāṇāṃ caiva lakṣaṇam
saṃpūrṇe saptame varṣe tato'tha munisattamau
mitrāvaruṇanāmānau tapoyogabalānvitam
tasyāśramaṃ gatau divyau draṣṭuṃ māmājñayā vibhoḥ
ūcatustaṃ mahātmānau māṃ nirīkṣya muhurmuhuḥ
tāta! nandyayamalpāyussarvaśāstrārthapāragaḥ
na dṛṣṭamevamalpāyurasya varṣādhataḥ param
ityuktavati viprendre śilādaḥ putravatsalaḥ
māmāliṃgya ca duḥkhārto rurodātīva visvaram
hā! putra! putra! putreti papāta ca mahītale
aho! vidherbalaṃ caiva vidhātuśceti duḥkhitaḥ
tasya cārtasvaraṃ śrutvā tadāśramanivāsinaḥ
nipeturvihvalāssarve rakṣāṃ cakruśca maṃgalām
tuṣṭuvuśca mahādevaṃ triyambakamumāpatim
hutvā triyambakenaiva madhunājyena saṃplutām
dūrvāmayutasaṃkhyākāṃ sarpidravyasamanvitām
pitā vigatasaṃjñaśca tathā caiva pitāmahaḥ
niśceṣṭaśca babhūvāsau mṛtavannipapāta ha
mṛtyorbhīto'hamacirāt śirasā cābhiva1) nditam
mṛtavatpatitaṃ sākṣātpitaraṃ ca pitāmaham
pradakṣiṇīkṛtya ca taṃ rudrasyāpyaparo'bhavam
hṛtpuṇḍarīkasuṣire dhyātvā devaṃ triyambakam
tryakṣaṃ daśabhujaṃ śāntaṃ pañcavaktraṃ sadāśivam
saritaścāntare puṇye sthitaṃ māṃ parameśvaraḥ
tuṣṭo'bravīnmahādevassomassomārdhabhūṣaṇaḥ