Shivattvaratnakara 31.89

31.89

yasmājaṭodakādeva pravṛttā tvaṃ mahānadi !
tasmājaṭodakā puṇyā bhaviṣyasi saridvarā
tvayi snātvā naraḥ kaścit sarvapāpaiḥ pramucyate
tato devyā mahādevaśśailādinamajaḥ prabhuḥ
sutaste'yamiti procya pādayo 1)stasya pātayat
sāmāmāghrāya śirasi hastābhyāṃ parimṛjya ca
putrapremṇā'bhyaṣiñcatsā srotobhistanujaistribhiḥ
payasā śaṃkhagaureṇa devadevaṃ nirīkṣya sā
trīṇi srotāṃsi tānyasyāḥ srotasvinyabhavattadā
nadīṃ trisrotasaṃ devo bhagavānavadadbhavaḥ
nanāda nādāttasmāttu saridanyā tato'bhavat
vṛṣadhvaniriti khyātā devadevena sā nadī
jāmbūnadamayaṃ citraṃ 2)sarvaratnavibhūṣitam
tridivaśca cyutaṃ divyaṃ nirmitaṃ viśvakarmaṇā
makuṭaṃ ca babandeśo manmūrdhni vṛṣabhadhvajaḥ
kuṇḍale ca śubhe divye vajravaiḍūryabhūṣite
ābabandha mahādevassvayameva maheśvaraḥ
māṃ tathābhyarcitaṃ vyomni dṛṣṭvā meghaiḥ prabhākaraḥ
meghāmbhasā'bhyaṣiñcanmāṃ śailādinamatho mune !
tasyābhiṣiktasya tadā pravṛttaiḥ srotase bhṛśam
yasmātsuvarṇaṃ nirbhidya nadyekā saṃpravartitā
svarṇodareti tāmāha mahādevastriyambakaḥ
jāmbūnadamayādyasmād dvitīyā makuṭācchubhā
prādurbhūtā nadī puṇyā procurjāmbūnadīti tām
etatpañcanadaṃ nāma jaṭeśvarasamīpagam
atha devo mahādevassarvadevapatirbhavaḥ
devamuvāca śarvāṇīmumāṃ girisutāmajām
devi ! nandīśvaraṃ devamabhiṣekṣyāmi bhūtale
3)na gānapyā hariṣyāmi kiṃ vā tvaṃ manyase śubhe !
tasya tadvacanaṃ śrutvā bhavānī 4)vṛṣitānanā
smayantī varadaṃ prāha bhavaṃ bhūtapatiṃ vibhum