Shivattvaratnakara 70.77

70.77

lākṣārasannibhaṃ caiva hiṃgulīkuṃkumaprabham
īṣannīlaṃ ca raktaṃ ca jñeyaṃ saugandhikaṃ budhaiḥ
bhramaraśikhiśikhaṇḍavarṇo dīpaśikhāsuprabhā bhujaṅgānām
bhavati maṇiḥ kila mūrdhani nityaṃ dhāryassa vijñeyaḥ
yastaṃ bibharti manujādhipatirna tasya
doṣā bhavanti viṣarogakṛtāḥ kadācit
rāṣṭre ca nityamabhivarṣati tasya devaśśatrurvināśamupayāti maṇiprabhāvāt
brāhmaṇaḥ padmarāgaḥ syājjātaraṅga itīritaḥ
kṣatriyaḥ kuruvindākhyo vaiśyasaugandhikaḥ smṛtaḥ
gavākṣo nīlagandhī ca śūdrastūbhayanāmavān
asyāśchāyā daśavidhā dvitīyasyāṣṭadhā smṛtā
tṛtīyasya ca ṣoḍhā syātturīyasya caturvidhā
padmakalhārakhadyotadahanānyamṛtākṣibhiḥ
dīpādāḍimabījārkadāḍimī prasavairapi
indragopaiśca tulyāḥ syuśchāyāḥ prathamavarṇajāḥ
lodhrakiṃśukabandhūkajapākusumasaṃnibham
guñjāśaśāsṛksindūratamalohābhamaṣṭadhā
lākṣārasaḥ kokiladṛkśālmalī saptaparṇayoḥ
prasūnaṃ taptalohaśca ṣaṣṭhaṃ cāśokapallavam
chāyā jātesturīyasyāścaturdhā sātu kathyate
kusumbhakusumenāpi pakvabimbaphalena ca
tathākuraṃṭapuṣpeṇa dhātunā ca samāssmṛtāḥ
laghu vajraṃ praśaṃsanti gurutvaṃ padmarāgake
ūrdhvaraśmiradhoraśmiḥ pārśvaraśmiriti kramāt
padmarāgāstu vijñeyā uttamādhamamadhyamāḥ
1) gobhūmividyākanyānāṃ dāturvājimakhasya ca
kartuśca puṇyamāpnoti jātaraṅgasya dhāraṇāt
dhārayetkuruvindaṃ yassa samrāḍ bhavati dhruvam
yastu saugandhikaṃ dhatte sampadā yaśasādhikaḥ
gavākṣaṃ dhārayedyastu kṣīrastasyasamṛddhimān
sarvalakṣaṇasampūrṇe padmarāge gṛhe sthite
aśvamedhaphalaṃ tasya vittamāyurjayo bhavet
kāmapātre bījapūrarase saptadināvadhi