Shivattvaratnakara 83.26

83.26

kartṛnāyakayostena kalyāṇamupajāyate
ābhyāṃ bhavati saṃprītiridīdṛbhyāṃ dhanamudgayāt
ṛbhyāṃ labhyāmupakhyātiṃracassukhakarā matāḥ
caturbhyaḥ kādivarṇebhyo lakṣmīpayaśastu cāt
prītissaukhyaṃ ca chānmitralābho jo jhaśca mṛtyukṛt
ṭaṭhābhyāṃ khedasaṃprāptiḥ śobhāśobhākarau ḍaḍhau
bhramaṇaṃ ṇātsukhaṃ tāttu thāyuddhaṃ sukhadau dadhau
naḥ pratāpī bhayasukhamaraṇakleśadāhakṛt
pavargo yastu lakṣmīdo ro dāhaṃ vyasanaṃ lavau
śassukhaṃ tanute ṣastu khedaṃ sassukhadāyakaḥ
ho dāhakṛd vyasanado ḷakṣau sarvasamṛddhidau
evaṃ pratyekaśaḥ proktaṃ varṇānāṃ vāstavaṃ phalam
saṃyogassarvathā tyājyo varṇānāṃ kṣaṃ vinā mukhe
śuddhamapyanyasaṃyuktamaśuddhamupa jāyate
yathā madhu ghṛtonmiśraṃ viṣatāmeti vīryataḥ
devatāvācakāśśabdā ye ca bhadrādivācakāḥ
tesatrai naiva nindyāssyurlipito gaṇato'pi ca
uktātyuktā tathā madhyā pratiṣṭhānyā supūrvikā
gāyatryuṣṇiganuṣṭup ca bṛhatī paṅ‌ktireva ca
triṣṭup ca jagatī caiva tathāti jagatī matā
śakvarī sātipūrvā syādaṣṭyatyaṣṭī tathā mate
dhṛtiścātidhṛtiścaiva kṛtiḥ prakṛtirākṛtiḥ
vikṛtissaṅ‌kṛtiścaiva tathāti kṛtirutkṛtiḥ
ityuktāśchandasāṃ saṃjñāḥ kranaśo vacmi sāmpratam
ārabhyaikākṣarāt pādādekaikākṣaravardhitaiḥ
pṛthakchando bhavetpādairyāvat ṣaḍviṃśatiṃ gataiḥ
tadūrdhvaṃ caṇḍavṛṣṭyādidaṇḍakāḥ parikīrtitāḥ
śeṣā gāthābhibhiṣvaḍ‌bhiścaraṇairupalakṣitāḥ
samamardhasamaṃ vṛttaṃ viṣamaṃ ca tathā param
aṅ‌ghayo yasya catvārassamalakṣaṇalakṣitāḥ
tacchandaśśāstratattvajñāssamavṛttaṃ pracakṣate
prathamāṅ‌ghrisamo yatra tṛtīyaścaraṇo bhavet
dvitīyasturyavad vṛttaṃ tadardhasamamucyate
yasya pādacatuṣko'pi lakṣmabhinnaḥ parasparam