Shivattvaratnakara 83.93

83.93

sukhādyatiśayājjāto romāñco romavikriyā
rāgadveṣabhayādyuttho vepathurgātrakampanam
vapurjalogdamaḥ svedo ratigharmaśramādijaḥ
viṣādamandaroṣādervaivarṇyaṃ ca vivarṇatā
aśru netrodbhavaṃ vāri sukharoṣapraharṣajam
mataṃ gadgadabhāṣitaṃ vaisvaryapramadādijam
bhāvāḥ sthāyinyanaikāntyāccaranto vyabhicāriṇaḥ
utpadyante vilīyante vāridhāviva vīcayaḥ
nirvedaglāniśaṅkākhyāstathāsūyāmadaśramāḥ
ālasyaṃ caiva dainyaṃ ca cintā mohaḥ smṛtirdhṛtiḥ
vrīḍā capalatā harṣa āvego jaḍatā tathā
garvo viṣāda autsukyaṃ nidrāpasmāra eva ca
suptirvibodho'marṣaścāpyavahitthamathogratā
matirvyādhistathonmādastathā maraṇameva ca
trāsaścaiva vitarkaśca vijñeyā vyabhicāriṇaḥ
trayastriṃśadamī bhāvāsteṣāṃ lakṣaṇamucyate
duḥkheṣrṣyātattvabodhādernirvedo niṣphalatvadhīḥ
tatra cintāśruniśvāsā dīnatā sambhavanti hi
glānirbalasyāpacayo daivaṇyarāratikārakaḥ
atiṣṭāmyāgamotprekṣā śaṅkāroṣādikāraṇam
parotkarṣāsahiṣṇutvamasūyā parikīrttitā
madirādikṛto mohaharṣavyatikaro madaḥ
śramaḥ khedo'dhvaratyāderjātasvedātibhūmikṛt
mandodyamatvamālasyaṃ karttavyeṣu prakīrttitam
satvatyāgādanauddhatyaṃ dainyaṃ kārpaṇyasaṃbhavam
iṣṭānabhigamād dhyānaṃ cintā śūnyatvatāpakṛt
mohastu mohanaṃ bhīticintāduḥkhānucintanaiḥ
1) pūrvānubhūtaviṣayacintā smṛtirudāhṛta
dhṛtiścittasya naispṛhyaṃ jñānābhīṣṭāgamādibhiḥ :
cetassaṅkocanaṃ vrīḍānaṅgarāgastavādibhiḥ
capalaṃ tvanavasthānaṃ rāgadveṣādisaṃbhavam
prasattirutsavādibhyo harṣasvedādikampakṛt
iṣṭāniṣṭāgamājjāta āvegaścittavibhramaḥ
jāḍyamapratipattiḥ syādiṣṭāniṣṭāgamodbhavam