Shivattvaratnakara 9.56

9.56

pūrvākāraṃ jvalantaṃ taṃ puruṣaṃ lohanirmitam
duścāriṇyaḥ striyo gāḍhamāliṃganti vadanti ca
kiṃ pradhāvasi vegena nate 1)moho'sti samprati
laṃghitaste yathā bhartā pāpaṃ bhuṅkṣva tadādhunā
lohakumbhe vinikṣiptāḥ sāpidhāne śanaiḥśanaiḥ
mṛdvagninā prapacyante svapāpaireva mānavāḥ
ulūkhalādyaiḥ kṣodyante prapīḍyante śilāsu ca
kṣipyante cāndhakūpeṣu daśyante bhramarairbhṛśam
kṛmibhirbhinnasarvāṃgāśśataśo jarjarīkṛtāḥ
sutīkṣṇakṣurakūpeṣu kṣipyante tadanantaram
mahājvāle ca narake pāpāṃ pacyanti sarvataḥ
itastataśca dhāvanti dahyamānā stadarciṣā
pṛṣṭhenānīya jaṃghe dve vinyaste skandhayojite
tayormadhyena cākṛṣya bāhupṛṣṭhena gāḍhataḥ
baddhvā parasparaṃ sarve sudṛḍhaṃ pāparajjubhiḥ
piṇḍavaddhaṃ daśantyenaṃ bhramarāstīkṣṇalohajāḥ
mānināṃ krodhināṃ caiva taskarāṇāṃ ca dāruṇāḥ
piṇḍabaddhāsmṛtāyāsmahājvāle ca yātanāḥ
rajjubhirveṣṭitāṃgāśca praliptāḥ kardamena ca
karīṣavatprapacyante 2) mriyante tena te tathā
sutīkṣṇakṣāratoyena karkaśāsu śilāsu ca
āpāpasaṃkṣayātpāpā ghṛṣyante candanaṃ yathā
śarīrābhyantaragatai 3) ssantataṃ kṛmibhirnarāḥ
bhakṣyante tīvravadanai rādeha prakṣayādbhṛśam
kṛmīṇāṃ nicaye kṣiptāḥ pūtimāṃsasya rāśiṣu
tiṣṭhantyudvignahṛdayāḥ parvatā 4)bhyantarārditāḥ
sutaptavajralepena śarīramupalipyate
adhomukhordhvapādāśca vṛtāstapyanti vahninā
vadanāntaḥ pravinstaṃ suprataptamayoguḍam
te khādanti parādhīnā hanyamānāścamudgaraiḥ