Ashtangasamgraha 3.79

Śaśilekhā 3.79

Language: Sanskrit

3.79

tato'nantaramannapānavidhānenānnaṃ bhuñjīta | atyaye tu yathecchameva | prāptamāhāramabhinandya prasannātmā prasannahṛdayaḥ, hutvā cāgnisukhe, śaktitaśca datvā kṛpaṇādibhyo yathāśakti datvā sarve bhūtagrāmamuddiśya, ekānte pākaṃ sarvamāhāryaṃ sodakaṃ yathāsukhamiti mantrapadamiva bruvan dadyāt | dānādivyavacchedenātmārthamannaṃ na pācayet | mumūrṣūprabhṛtīnāmannaṃ nādyāt | gaṇānnaṃ bahvāyattamannaṃ nādyāt | āpaṇiko vaṇik | utsaṅge gṛhītvā bhakṣyānna bhakṣayet | añjalinā pāṇisampuṭena, jalaṃ na pivet | ravau dinakṛti, astamite tilasambaddhaṃ sarvaṃ bhakṣyaṃ nādyāt | bhojanādutthitaḥ śarīrāyāsaṃ na kuryāt | smṛtyādipratiṣiddhaṃ sukhaṃ na seveta ||

Previous: 3.74
Next: 3.80
Up: 3

Linked texts (1)

Aṣṭāṅgasaṃgraha — Vāgbhaṭa, Sanskrit