Ayurvedadipika (Carakatatparyatika) 1.1.1.1

1.1.1.1

guṇatrayavibhedena mūrtitrayam upeyuṣe|
trayībhuve trinetrāya trilokīpataye namaḥ||1||
sarasvatyai namo yasyāḥ prasādāt puṇyakarmabhiḥ|
buddhidarpaṇasaṅkrāntaṃ jagadadhyakṣam īkṣyate||2||
brahmadakṣāśvideveśabharadvājapunarvasuhutāśaveśacarakaprabhṛtibhyo namo namaḥ||3||
pātañjalamahābhāṣyacarakapratisaṃskṛtaiḥ|
manovākkāyadoṣāṇāṃ hartre+ahipataye namaḥ||4||
naradattagurūddiṣṭacarakārthānugāminī|
kriyate cakradattena ṭīkā+a+ayurvedadīpikā||5||
sabhyāḥ sadguruvāksudhāsrutiparisphītaśrutīn asmi vo
nālaṃ toṣayituṃ payodapayasā nāmbhonidhis tṛpyati|
vyākhyābhāsarasaprakāśanam idaṃ tvasmin yadi prāpyate
kvāpi kvāpi kaṇo guṇasya tadasau karṇe kṣaṇaṃ dhīyatām||6||