Ayurvedadipika (Carakatatparyatika) 6.3.59.1
Āyurvedadīpikā (Carakatātparyaṭīkā) (ed. Yādavjī Trikamjī Ācārya, 1981 printing) 6.3.59.1
- Language
- Sanskrit
6.3.59.1
yavāgūttarakālaṃ bhojanasādhanamāha- yūṣairityādi| yadi kaphaprabalatā balavadagniśca tadā yūṣaiḥ, vātaprābalye tu durbalatve ca rasairiti vyavasthā| amlavikalpo+api sātmyāpekṣayā+agnyapekṣayā ca jñeyaḥ| vakṣyati hi- “mandāgnaye+amlasātmyāya tatsāmlamapi kalpayet” iti| amlaṃ cātra jvaraghnaṃ dāḍimādyeva kāryam| laghviti mātrālaghu prakṛtilaghu ca raktaśālyādikam||163||-