The Compendium of Suśruta 1.37

1.37

idānīmetaduktaṃ catuṣṭayaṃ śalyacikitsitaparasuśrutatantrābhidheyārthasya prasavahetutayā bījameva bhavatīti darśayannāha—bījamityādi | bījaṃ yathā taroḥ prasavahetuḥ, tathaiva cikitsita-
catuṣṭayasya tantrābhidheyasya bījaṃ; cikitsitaśabdena cikitsārhapatayā kṛtsna eva tantrārtho'bhidhīyate | viṃśatyadhyāyakṛtaḥ stomo viṃśaḥ | ‘taṭastoma’ iti uṇāditaṭapratyayāntaḥ | yathā—viṃśaḥ stomaḥ, triṃśaḥ stomaḥ | tena viṃśenādhyāyasamūhena sahitaṃ saviṃśam; adhyāyaśatamapi vedotpatyādyadhyāyaśatam | ye tu sahitaṃ viṃśamiti kṛttvottaratantrasahitaṃ viṃśamadhyāyaśataṃ vyākhyānayanti; kiṃvā salavaṇā yavāgūritivadūnaviṃśamadhyāyaśatamiti vyākhyānayanti, ūnaviṃśaśatatāṃ ca vedotpattimadhyāyaṃ gatatvādavyākhyeyamiti parityajya varṇayanti, tanmate adhyayanadānike ‘vedotpattiḥ śiṣyanayaḥ’ ityādyārabhya ‘saviṃśamadhyāyaśataṃ pañcasu sthāneṣu vibhaktaṃ bhavati’ iti, tathā ‘‘saviṃśamadhyāyaśatametaduktaṃ vibhāgaśaḥ’’ iti ca virudhyate sūtrasya vivaraṇādinā viśeṣeṇārakhyā vyākhyā | tatra yadyapi vedotpattyadhyāyenārthacatuṣṭayasya sūtraṇaṃ bhūtameva tathā'pi vakṣyamāṇādhyāyaiḥ saha militvaiva saṃpūrṇā vyākhyā bhaviṣyatītyanena nirdiṣṭam |