The Compendium of Suśruta 15.33

Bhānumatī 15.33

Language: Sanskrit

15.33

tatretyādi kṛśadehatvādivarṇanam | etadapi kṣīṇarasajanyatayā rasanimittaṃ kāryamuktam | alpaprāṇa iti alpabalaḥ | kriyāsviti uktabhāraharaṇādivyatiriktāsvapi kriyāsu | sarva eva rogā asya balavanto bhavantīti yadyapyaviśeṣeṇa sthūlakṛśayoruktaṃ tathā'pi sthūle viśeṣeṇa balavanta iti jñeyam | kecidetamevārthaṃ darśayituṃ sthūle ‘balavattarā’ iti paṭhanti | yaduktaṃ carake—“sthaulyakāryaṃ varaṃ kāryaṃ samopakaraṇau hi tau | yadyubhau vyādhirāgacchet sthūlamevātipīḍayet” (ca. sū. a. 21) iti | payasyā kṣīrakākolī | nāgabalā gorakṣataṇḍulā | bṛṃhaṇabastiryathā-“bṛṃhaṇadravyaniṣkvāthāḥ kalkairmadhurakairyutāḥ | sarpirmāṃsarasopetā vastayo bṛṃhaṇā matāḥ” (ci. a. 38) iti |

Previous: 15.32
Next: 15.34
Up: 15

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit