The Compendium of Suśruta 21.6

Bhānumatī 21.6

Language: Sanskrit

21.6

ācārahitamāha - brahmacaryamityādi | brahmacaryamupasthaniyamaḥ, tasya hitatve vacanāntaraṃ “āyuṣyaṃ bhojanaṃ jīrṇe vegānāṃ cāvidhāraṇam | brahmacaryamahiṃsā ca sāhasānāṃ ca varjanam” iti | yattūpasthitaharṣasya vighāte śukrāśmarīsaṃbhavādihābrahmacaryamityakārapraśleṣo vyākhyāyate tanna, tathāvidhābrahmacaryasya vegānāṃ cāvidhāraṇamityanenaiva labdhārthatvāt | vyāyāmaścehocitapramāṇa eva jñeyaḥ, yaduktaṃ carake- "śarīraceṣṭā yā ceṣṭā sthairyārthā valavardhanī | dehavyāyāmasaṃkhyātā mātrayā tāṃ samācaret” ( ca. sū. a. 7 ) iti | cakārādvegāvidhāraṇagrahaṇam |

Previous: 21.5
Next: 21.7
Up: 21

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit