The Compendium of Suśruta 21.9

Bhānumatī 21.9

Language: Sanskrit

21.9

viśeṣaguṇayogena viruddhamāha - taratametyādi | taratamayoryogo yasmin sa taratamayogaḥ, atiśayamityarthaḥ; tenātiśayena guṇavartinā yuktān; bhāvāniti dravyāṇi, teneha vīryasaṃjñā aṣṭau atirūkṣānityādyananantaranirdiṣṭā vivakṣitāḥ | evamādīnityanenātipicchilātitīkṣṇādīnāṃ gurulaghvośca grahaṇam, anye atimadhurādīnāmapi grahaṇaṃ vadanti | ete cātirūkṣādayo guṇāḥ saṃskārādyāhitā evātra vivakṣitā iti paśyāmaḥ, naisargikaguṇānāṃ saṃyogaprakaraṇe'nadhikārāt, tathā hitāhitapakṣe teṣāmaviruddhatvācca |

Previous: 21.8
Next: 21.10
Up: 21

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit