The Compendium of Suśruta 24.3

Bhānumatī 24.3

Language: Sanskrit

24.3

tatrāturaguṇabhedena sukhasādhyatābhedānāha- vayaḥsthānāmityādi | ekasminnityādinā sarvavayaḥsthatvādiguṇapañcakamelakena sukhasādhyatamatvaṃ darśayan madhyavidhayā dvitrādiguṇena sukhasādhyataratvaṃ yathottaraṃ darśayati | vayaḥsthā atra yuvānaḥ, bālānāṃ vedanāsahiṣṇubhāvāt | sattvavatāṃ ceti praśastasattvaguṇānām | atra cakāreṇāturopakramaṇīyoktā āturaguṇāḥ samuccīyante | pratyekaṃ vayaḥsthatvādiguṇavivaraṇaṃ vyaktam |

Previous: 24.2
Next: 24.4
Up: 24

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit