The Compendium of Suśruta 32.30

Bhānumatī 32.30

Language: Sanskrit

32.30

yadetaddiṣṭaṃ maraṇasaṃgatamucyate tat kiṃ maraṇakārakamuta gamakaṃ; gamakatve vā kutastanmaraṇaṃ bhavatītyāha- viṣameṇetyādi | trividhaṃ maraṇam- ekamapacārakṛtam, aparaṃ niyatakarmajanyam, aparaṃ prāṇikhabhāvasaṃgataṃ yattadyuganiyatāyurvarṣaśatāvasānabhavam | tatra prathamaṃ 'viṣameṇa' ityādināktaṃ; dvitīyaṃ 'karmabhiśca' ityanenoktam, atra karmabhiriti kālapākaniyataiḥ karmabhiḥ; yattu yuganiyatāyuḥ paryavasānabhāvi tat 'anityatvācca' ityanenoktam |

Previous: 32.29
Next: 32.32
Up: 32

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit