The Compendium of Suśruta 44.6

Bhānumatī 44.6

Language: Sanskrit

44.6

rasānāṃ vātādiśamakatvamabhidhāya vātādijanakatvaṃ sopapattikamāha - tatra vāyorityādi | ātmaivātmeti ātmaiva vāyoḥ kāraṇam | svayonivardhanā iti svakāraṇavātādivardhanāḥ | tatra vātārabdhā ye rasāḥ kaṭutiktakaṣāyāste vātavardhanāḥ, ye cāgnikāraṇakāḥ kaṭukāmlalavaṇāste'gnirūpapittavardhanāḥ, yau jalakāraṇakau madhurāmlau tau jalātmakaṃ saumyaṃ
śleṣmāṇaṃ vardhayataḥ, tathā lavaṇo'pi saumyapṛthivyārabdhatayā śleṣmāṇamapi vardhayati | ye tu bhūyasā anilādyārabdhāśca kaṣāyakaṭukamadhurāste bhūyasā vātapittakaphān vardhayantīti tatretyādinā atraiva darśayiṣyati | evamanyayonipraśamanā ityapi vyākhyeyam |

Previous: 44.4
Next: 44.7
Up: 44

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit