The Compendium of Suśruta 58.19

Bhānumatī 58.19

Language: Sanskrit

58.19

bhūmiviśeṣeṇa kriyāviśeṣeṇa ca guṇamāha—dagdhāyāmityādi | sthalajā iti jāṅgalaguṇapradhānabhūmijātāḥ | kaidārā ityānūpakedāraśabdapradhānabhūmibhavāḥ | ropẏātiropẏā utkhā santaḥ ropayitvā'pi punarutpāṭya ropitāḥ, tena dvidhāropitā ityarthaḥ | tena yatrotptāḥ tatraiva ye pacyante tadapekṣayā utkhātaropitā laghavaḥ, tato'pi ca ropẏātiropẏā laghutaśa ityapi darśitaṃ bhavati | śīghrapākā ityupayuktāḥ śīghraṃ jaṭharāgninā pacyante | laghava ityanena ca laghuvipākatvamucyate | chinnarūḍhā iti prathamaṃ chinnāḥ paścādrūḍhāśca ye | ayamapi ca saṃskāreṇa viśeṣo dhānyānāṃ pūrvoktaprakṛtivikṛtiguṇanyāyena vyavasthāpanīyaḥ || 15-19 ||

Previous: 58.14
Next: 59.20
Up: 58

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit