The Compendium of Suśruta 59.33

59.33

śamīdhānyādi nirdiśannāha - mudgetyādi | vanamudgo 'dhānyamudga' iti yasya prasiddhiḥ, mukuṣṭhako 'mauṭha' iti khyātaḥ, hareṇuḥ khalpavartulakalāyo 'aṅguṭā' iti prasiddhaḥ, satīno vartulakalāyaḥ, āḍhakī tuvarī | atra dravyavyavahārārthaṃ vaidalasaṃjñāṃ darśayannāha-vaidalā iti | etena yogyatāmātreṇa vidalayaattribute Kulatthamaashadishu na vaidalasaṃjñeyaṃ vyavahartavyā; kiṃ tu yathokteṣveva mudgādiṣu | tena "vallūraṃ mūlakaṃ matsyān śuṣkaśākaṃ ca vaidalam | na khādeccālukaṃ gulmī" ( u. ta. a. 42) ityatra kulatthaniṣedho na bhavati; kulattho hi gulme vidhīyata iti vyākhyānayanti | vipāke madhurasyāpi masūrasya baddhavarcastvaṃ prabhāvāt; sarvatraiva ca guṇadvārā'nupapadyamānaṃ prabhāvādeva jñeyamityatra varṇitameva, punastatsmaraṇārthamabhidhīyate || 27-33 ||