Nitimanjari 1.1.2

1.1.2

114) ityādinā kyabanto nipātaḥ(1) | nanu indrādīn sarvāndevāṃstyaktvā sūrya eva kuto granthakṛtā namaskṛtaḥ | ucyate | sūrye namaskṛte sarve devā namaskṛtā bhavantīti hetoḥ | anukramaṇyāṃ hi ( kā0 sa0 14|15 sūtra ) sūryasya sarvadevatātvamuktam | ekaiva vā mahānātmā devatā | sa sūrya ityācakṣate(2) | iti tadvibhūtayo'nyā devatā ( kā0 sa0 18 ) iti caitadaitareyopaniṣadi‘sa yaścāyamaśarīraḥ prajñātmā yaścāsāvāditya ekametaditi vidyāditi’ | kīdṛśaṃ sūrya atrimocitam | sūryaḥ pūrvaṃ svarbhānunā'sureṇa yadgrasta āsīt tamanye ṛṣayaḥ mocayituṃ na śaktāḥ | tato'tribhirmocitaḥ | tathā brāhmaṇe(3)–svarbhānuī asura ādityaṃ tamasāvidhyat tasyātrayastamo'jighāṃsata iti | asminnarthe ṛk ( ṛ0 5. 40. 5.)– atrayastamanvavindan | na hyanye'śaknuvan | yaṃ sūrya svarbhānuḥ āsuraḥ asuraputraḥ tamasā'ndhakāreṇa avidhyat vivyādha | atrayaḥ atrigotrotpannā ṛṣayaḥ | itaścāniñaḥ (pā0 4. 1. 122) iti ḍhaki kṛte ‘atribhṛgukutsa0 (pā0 2. 4. 65) iti bahutve luk | taṃ sūryamanvavindan anujagmuḥ | nahi anye ṛṣayaḥ aśaknuvan | taṃ jñātuṃ jñātvā mocayituṃ na śekuḥ | svarbhānuriti | ṛkārarephapakārā0 (ṛ0 prā0 5. 40) iti ṇatve prāpte 'mānuṣaśabde hinomiceti (ṛ0 prā0 5. 48) niṣedhānna | evaṃ sūrya atribhirmocita iti siddham | dāsīputreti nāsmākaṃ somapānaṃ tvayā saha | dudrāva sa dravankruddhaḥ preti (ṛ010.30.1) cāstaut sarasvatīm |