Nitimanjari 1.1.3
Nītimañjarīṭīkā 1.1.3
- Language
- Sanskrit
1.1.3
asyā ṛcorthaḥ | ahaṃ agniṃ devamīḍe staumi | yācāmi | īḷiradhyeṣaṇākarmeti yāskaḥ | (ni0 7. 15) | yadyapyasmacchabdo'prayuktastathāpyasmadyuttama ityuttamapuruṣaprayogājjñeyaḥ | uttamapuruṣayogād ahamiti caitena sarvanāmneti yāskena spaṣṭamuktam | īḍe stutyartho dhātuḥ | ḍakārasya ḷatvaṃ vaidikalakṣaṇe śaunakenoktam | dvayoścāsya svarayormadhyametya sampadyate sa ḍakāro ḷakāra iti | (ṛ0 prā0 1. 66) anayoḥ svarayormadhyatvāt ḷatvam | īḍya ityamadhyatvānna | kīdṛśamagniṃ purohitaṃ devānāṃ paurohitye varttamānam | yathā rājñaḥ purohito rājño'bhīṣṭaṃ sādhayati | tathā agnirapi devānāmabhīṣṭaṃ homaṃ sādhayati | punaḥ kiṃbhūtam | yajñasya devaṃ dīpakaṃ dyotakaṃ vā | agniṃ vinā yajño na dyotate | ato yajñasya devam | punaḥ kīdṛśam | hotāraṃ ṛtvijaṃ devānāṃ yajñeṣu hotṛnāmaka ṛtvigagnireva | tathā śrūyate-agnirvai devānāṃ hoteti | (tai0 saṃ0 2| 5|9) tathā nigamāḥ | a̱gnirhotā̍ no adhva̱re ( ṛ. 4 |