Nitimanjari 3.34

3.34

kutsastriṣṭubhā sūryaṃ stauti | viṣuvati sūryaṣaḍke tathā stotriyāyām | ekaviṃśastomaṃ bṛhatpṛṣṭhamiti khaṇḍe citraṃ devānāmiti puronuvākyeti (sāṃ0 śrau0 sū0 11|
rūpaṃ ci(1)traṃ cāyanīyaṃ sūryyamaṃḍalam udagād udayācalaṃ prāptamāsīt | kīdṛśam | mitrasya varuṇasyāgneścopalakṣaṇametat | etadupalakṣitānāṃ jagatāṃ cakṣuḥ prakāśakam | cakṣurindriyasthānīyaṃ vā | udayaṃ prāpya dyāvāpṛthivī | divaṃ ca pṛthivīṃ ca antarikṣaṃ ca āprāḥ | svakīyena tejasā āsamantādapūrat | idṛgbhūtamaṇḍalavartī sūryyaḥ jagato jaṅgamasya tasthuṣo sthāvarasya ca ātmā | iti sūryyasya jagadātmatvamuktam | tatra niruktam-[ ni0 12|16 ] “cāyanīyaṃ devānāmudgamadanīkaṃ khyānaṃ mitrasya varuṇasyāgneścāpūrad dyāvāpṛthivyau cāntarikṣaṃ ca mahattvena tena sūryya ātmā jaṅgamasya ca sthāvarasya ca” | iti | iti mahatāṃ viśvaprakāśakatvaṃ sūryopasthānenoktam | upakārātsamṛddhiṃ (2)sārthakīkuryyādityāha—
yādṛśātpituḥ prāṇī jantuḥ jāyate asya jantornāmābhidhānaṃ karma ca tādṛśaṃ bhavati | yathā aśvajau aśvājjātau tasmādaśvinau nāmataḥ pedave rājarṣaye śvetam aśvaṃ dadatuḥ || karmāpi tādṛg aśvadānam |