Acarendu 1.p45

1.p45

karmaṇi vāgyamalope yogīśvaraḥyadi vāgyamalopaḥ syājjapādiṣu kathañcana | vyāharedvaiṣṇavaṃ mantraṃ smaredvā viṣṇumavyayam || vaiṣṇavaṃ mantramato devā idaṃ viṣṇuiriti vā | ato devā avantu na iti japedapi vā'nyāṃ vaiṣṇavīmityāśvalāyanokteḥ | baudhāyanaḥbhojanaṃ havanaṃ dānamupahāraḥ pratigrahaḥ | bahirjānu na kāryāṇi tadvadācamanaṃ smṛtam || atra keṣāñcidupādānamanyeṣāmupalakṣaṇārtham | sāṃkhyāyanaḥpādyamācamanaṃ homaṃ bhojanaṃ devatārcanam || prauḍhapādo na kurvīta svādhyāyaṃ pitṛtarpaṇam | āsanārūḍhapādastu jānunorvā'tha jaṅghayoḥ || kṛtāvasakthikoṃ yastu prauḍhapādaḥ sa ucyate | vārāhesusnātaḥ samyagācāntaḥ kṛtasandhyādikakriyaḥ | jitendriyaḥ satyavādī sarvakarmasu śasyate || dakṣaḥsandhyāhīno'śucirnityamanarhaḥ sarvakarmasu | yadanyatkurute karma na tasya phalabhāgbhavet || tathāadhaute kārudhaute ca paridadhyānna vāsasī | ahataṃ tu parīdadhyātsarvakarmaṇi saṃyataḥ