Acarendu 1.p46

1.p46

kātyāyanaḥīṣaddhautaṃ navaṃ śvetaṃ sadaśaṃ yanna dhāritam | ahataṃ tadvijānīyātsarvakarmasu pāvanam || anyatra tuahataṃ yantranirmuktaṃ vāsaḥ proktaṃ svayambhuvā | śastaṃ tanmāṅgalikyeṣu tāvatkālaṃ na sarvadā || ityuktam | tathākuśopari niviṣṭena tathā yajñopavītinā | sarvaṃ karma prakartavyamanyathā viphalaṃ bhavet || āpastambaḥārdravāsāstu yaḥ kuryājjapahomapratigrahān | sarvaṃ tadrākṣasaṃ vidyādvahirjānu ca yatkṛtam || atrāpavādaḥ | hārītaḥārdravāsā jale kuryāttarpaṇācamanaṃ japam | śuṣkavāsāḥ sthale kuryāttarpaṇācamanaṃ japam || viṣṇupurāṇehome devārcanādyāsu kriyāsvācamane tathā | naikavastraḥ pravartteta dvijavācanike jape || śātātapaḥsavyādaṃsātparibhraṣṭakaṭideśadhṛtāmbaraḥ | ekavastraṃ tu taṃ vidyāddaive pitrye ca varjayet || mārkaṇḍeyaḥśiraḥsnātastu kurvīta daivaṃ pitryamathāpi vā | prāṅmukhodaṅmukho vā'pi śmaśrukarma ca kārayet || devārcanādikāryāṇi tathā gurvabhivādanam | kurvīta samyagācamya prayato'pi sadā dvijaḥ || iti