Acarendu 1.p47

1.p47

vṛddhamanuḥprāṇānāyamya kurvīta sarvakarmāṇi saṃyataḥ || vāmanapurāṇesarvamaṅgalamāṅgalyaṃ vareṇyaṃ varadaṃ vibhum | nārāyaṇaṃ namaskṛtya sarvakarmāṇi kārayet || athābhiyuktoktāḥ kāścitkārikā likhyanteśraddhayā karma kurvīta dhautavastradharo bhavet | avyagro'laṅkṛto maunī dambhāsūyādivarjitaḥ || āpadyukto'pi śuddhaḥ sanneva karma samācaret | japahomādiṣu naramanyaṃ nākāraṇātspṛśet || abuddhipūrvasaṃsparśaścettadā vāyurupaspṛśet | buddhipūrvakasaṃsparśe prāṇāyāmatrayaṃ caret || saṃsparśe pratilomānāṃ1 snānameva vidhīyate | khalvāṭatvādidoṣeṇa viśikhaścennaro bhavet | kauśīṃ2 tadā dhārayīta brahmagranthiyutāṃ śikhām | kāryeyaṃ saptabhirdarbhairdhāryā śrotre tu dakṣiṇe || kuryāttilakavān karma vastradvayayutastathā | dānaṃ pratigraho homo bhojanaṃ balireva ca || sāṅguṣṭhena sadā kāryamasurebhyo'nyathā bhavet | trimātraḥ praṇavo vācyaḥ karmārambhe ca sarvadā || upoṣitaḥ karma kuryādvidhyanujñe vinā sadā | preṣaṇādikayantreṣu śabdo yāvatpravartate