Tithyarka 4.p1.35

4.p1.35

tatra mantraḥ—
“imaṃ damanakaṃ deva ! gṛhāṇa madanugrahāt
imāṃ sāṃvatsarīṃ pūjāṃ bhagavan ! paripūraya ||” iti
“mantrahīnaṃ kriyāhīnaṃ bhaktihīnaṃ janārdana !
yatpūjitaṃ mayā deva ! paripūrṇaṃ tadastu me ||”
iti saṃprārthya, namaskārān kṛtvā, brāhmaṇān bhojayitvā pāraṇaṃ
kuryāt | dvādaśyalābhe trayodaśyāmapīdaṃ kāryamityuktaṃ tatraiva“pāraṇāhe na labhyeta dvādaśī ghaṭikāpi vā
tadā trayodaśī grāhyā pavitrā damanārpaṇe ||” iti
idaṃ ca damanārpaṇaṃ nityam“ūrje vrataṃ madhau dolā śrāvaṇe tantupūjanam
caitre ca damanāropamakurvāṇo vrajatyadhaḥ ||”
iti rāmārcanacandrikāyāmaniṣṭhaśruteḥ | śrīsūryādibhaktaistu saptamyādau damanakārpaṇaṃ kāryamiti tatraivoktam“tatra syātsvīyatithiṣu vahnyāderdamanārpaṇam |” iti
tatra madhāvityarthaḥ | vahnyādayastu tithikrameṇa prāguktāḥ
asyāṃ vāmanārādhanamuktaṃ nirṇayāmṛte vārāhapurāṇe“sauvarṇaṃ vāmanaṃ māsi caitre saṅkalpya dvādaśīm
upopyā''rādhayetpaścād devadevantu vāmanam ||” iti
ekādaśyāmupoṣya dvādaśyāṃ saṅkalpapūrvakaṃ sauvarṇaṃ vāmanaṃ pūjayedityarthaḥ | vaiśākhaśukladvādaśyāṃ yogaviśeṣa ukto jyotiḥśāstre“pañcānanasthau gurubhūmiputrau meṣe raviḥ syādyadi śuklapakṣe
pāśābhidhānā karabheṇa yuktā tithirvyatīpāta itīha yogaḥ ||”
“jyeṣṭhe māsi site pakṣe dvādaśyāṃ rajanīmukhe
vrataṃ trirātramuddiśya divārātraṃ sthirā bhavet ||” iti
“jyeṣṭhe māse'pyevameva saṅkalpya vidhinā naraḥ
namo rāmābhirāmāya pādau pūrvaṃ samarcayet ||” iti
“śayanyāṃ caiva bodhinyāṃ cakratīrthe tathaiva ca
śaṅkhacakravidhānena vahnipūto bhavennaraḥ ||” iti