Tithyarka 4.p1.36

4.p1.36

“tadviṣṇoḥ paramaṃ padaṃ ye gacchanti hi lāñchitāḥ” | iti
“śaṅkhacakraṃ mṛdā yastu kuryāttaptāyasena vā
sa śūdravad bahiḥ kāryaḥ sarvasmād dvijakarmaṇaḥ ||” iti
śaivapurāṇe'pi—
“śaṅkhacakrādyaṅkanaṃ ca nṛtyagītādikaṃ tathā
ekajāterayaṃ dharmo na jātu syād dvijanmanaḥ ||” iti
āśvalāyanaḥ—
“śivakeśavayoraṅkān śūlacakrādikān dvijaḥ
na dhārayettu matimān vaidike vartmani sthitaḥ
yathā śmaśānajaṃ kāṣṭhamanarhaṃ sarvakarmasu
tathā cakrāṅkito vipraḥ sarvakarmasu garhitaḥ ||”
śrāvaṇaśukladvādaśyāṃ deve pavitrāropaṇaṃ kāryam | taduktaṃ hemādrau
viṣṇurahasye—
“śrāvaṇe hyasite pakṣe karkaṭasthe divākare
dvādaśyāṃ vāsudevāya pavitrāropaṇaṃ smṛtam ||” iti
kuladharmānurodhenāpyuktaṃ nirṇayāmṛte mātsye—
“āṣāḍhyāmathavā ṣaṣṭhyāṃ caturdaśyāmūmāpatim
pavitrairarcayed bhādryāṃ śrāvaṇyāṃ ca viśeṣataḥ ||” iti
atra sarveṣāmapyadhikāra ukto viṣṇurahasye—
“brāhmaṇaḥ kṣatriyo vaiśyastathā strī śūdra eva ca
svadharmāvasthitāḥ sarve bhaktyā kuryuḥ pavitrakam
pavitrāropaṇaṃ kāle na karoti kathaṃcana
tadā'yutaṃ japenmantraṃ stotraṃ vāpi samāhitaḥ ||”
iti rāmārcanacandrikāyāṃ prāyaścittaśravaṇānnityamidam
"na karoti vidhānena pavitrāropaṇaṃ tu yaḥ
tasya sāṃvatsarī pūjā niṣphalā munisattama ! ||”
"sopavāsaḥ śuciḥ prātaḥ kṛtajāpyo jitendriyaḥ
datvā dānaṃ dvijāgryebhyaḥ pūjayitvā janārdanam
pūrvādhivāsitaṃ samyak samādāya pavitrakam |”
“ato deveti mantreṇa viṣṇormūrdhni nivedayet
sūktasya mūlamantro vā yena vai pūjayeddharim ||”
"maṇividrumamālābhirmandiraṃ kusumādibhiḥ