Tithyarka 4.p1.39

4.p1.39

“yadā na prāpyate ṛkṣaṃ dvādaśyāṃ vaiṣṇavaṃ kvacit
ekādaśī tadopodhyā pāpaghnī śravaṇānvitā
ubhayordevatā viṣṇuḥ purāṇapuruṣottamaḥ
vibhedo'pi na karttavyo vibhedātpatate naraḥ ||” iti
anuṣṭhitaikādaśīvrataḥ san paradine yastūpavāsāsamarthaḥ sa tu
pūjāmātraṃ kuryāt | tathā ca mātsye—
“dvādaśyāṃ śuklapakṣe tu nakṣatraṃ śravaṇaṃ yadi
upoṣaikādaśīṃ tatra dvādaśyāṃ pūjayeddharim ||”
iti haripūjāmeva kurvīta, na tūpavāsamityarthaḥ | upavāsakaraṇe
tadaṅgaharipūjāyāḥ prāptatvādeva punastadvidhivaiyarthyāt | yastūpavāsāsasamartho'svīkṛtaikādaśīvrataśca sa 'kāmyaṃ nityasya bādhakam'
iti nyāyena dvādaśyupoṣaṇameva kuryāt | taduktaṃ nāradīye—
“upa build: “upoṣyā dvādaśīṃ puṇyāṃ viṣṇvṛkṣeṇa saṃyutām
ekādaśyudbhavaṃ puṇyaṃ naraḥ prāpnotyasaṃśayam ||” iti
yastūpavāsadvayasamarthastaṃ prati bhaviṣyottare—
“ekādaśyāmupoṣyaiva dvādaśyāmapyupoṣayet
na cā'tra vidhilopaḥ syādubhayordaivataṃ hariḥ||” iti
vidhilopaḥ pāraṇāvidhilopaḥ | atra kṛtyaṃ madanaratne viṣṇudharmottare-“yā rāma ! śravaṇopetā dvādaśī mahatī tu sā
tasmin dine tathā snānaṃ yatra kvacana saṃgame
kāryamiti śeṣaḥ
dadhyodanayutaṃ tasyāṃ jalapūrṇa ghaṭaṃ dvija !
vastrasaṃveṣṭitaṃ datvā gatimagryāṃ ca vindati
prāpnotyayatnād dharmajña ! dvādaśadvādaśīphalam |” iti
ghaṭadāne mantraḥ—
“namo namaste govinda ! budhaśravaṇasaṃjñaka !
aghaughasaṃkṣayaṃ kṛtvā sarvasaukhyaprado bhava
prīyatāṃ devadeveśo mama saṃśayanāśanaḥ |” iti
iyaṃ budhānvitā praśastetyuktaṃ hemādrau—
“budhaśravaṇasaṃyuktā saiva ca dvādaśī bhavet