Tithyarka 4.p1.38

4.p1.38

iti taṃ sampūjya sauvarṇapātreṇārghyaṃ dadyāt
tatra mantraḥ—
“namaste padmanābhāya namaste jalaśāyine
tubhyamarghyaṃ prayacchāmi bālavāmanarūpiṇe ||”
evaṃ kṛtvā paradine pratimāṃ viprāya dadyāt
dānamantraḥ—
“vāmanaḥ pratigṛhṇāti vāmano'haṃ dadāmi te
vāmanaṃ sarvato bhadraṃ dvijāya pratipādaye ||” iti
iyameva śravaṇayuktā śravaṇadvādaśī | atropoṣaeṃ kāryam,
“dvādaśyāmupavāso'tra trayodaśyāṃ tu pāraṇam
niṣiddhamapi karttavyamityājñā pārameśvarī ||”
iti hemādridhṛtanāradapurāṇāt | eṣā ca dvādaśī śravaṇayogamātreṇa sarvāpi puṇyatamā bhavati | taduktaṃ mātsye—
“dvādaśī śravaṇāyuktā kṛtsnā puṇyatamā tithiḥ
na tu sā tena saṃyuktā tāvatyeva praśasyate ||” iti
śravaṇaspṛṣṭeyaṃ dvādaśī ekādaśīṃ spṛśecced viṣṇuśṛṅkhalā | tatropavāse mahat phalam | taduktaṃ hemādrau matsyapurāṇe—
“dvādaśī śravaṇāspṛṣṭā spṛśedekādaśīṃ yadi
sa eva vaiṣṇavo yogo viṣṇuśṛṅkhalasaṃjñitaḥ
tasminnupoṣya vidhivannaraḥ saṃkṣīekalmaṣaḥ
prāpnotyanuttamāṃ siddhiṃ punarāvṛttidurlabhām ||” iti
śravaṇāspṛṣṭā śravaṇena yuktetyarthaḥ | asminneva vacane śravaṇaśabdasya
strīliṅge'pi darśanāt | nirṇayāmṛtakārastu—
“dvādaśī śravaṇarkṣaṃ ca spṛśedekādaśīṃ yadi
sa eva vaiṣṇavo yogo viṣṇuśrṛṅkhalasaṃjñitaḥ ||”
evamidaṃ vaco lilekha | tena tanmate śravaṇasyaikādaśīdvādaśībhyāṃ
saha yoga eva viṣṇuśrṛṅkhalamanyathā neti | hemādrimate tu—ekādaśyāḥ śravaṇayogābhāve'pi tadyuktadvādaśīmātrayoge viṣṇuśrṛṅkhalamiti bhedaḥ | yadaikādaśyeva śravaṇānvitā tadaikenaivopavāsena
dvayoḥ siddhiḥ | tadetadabhipretyoktaṃ hemādrau nāradīye—