Tithyarka 5.p1.39

5.p1.39

sampūjya dhūpapuṣpaiśca naivedyaiśca pṛthak pṛthak
praśastairvaidikairmantraiḥ kṛtvā'gnihavanaṃ tathā
dhanairviprāṃśca santarpya navairvastraiśca śobhitān
tataḥ puṣṭikaṃraṃ hṛdyaṃ bhoktavyaṃ ghṛtapāyasam |” iti
“māghyāṃ maghāsu ca tilaiḥ santarpya pitṛdevatāḥ
tilapātrāṇi deyāni tilaiḥ sapallodanam
kārpāsadānamatraiva tiladānantu śasyate
kambalājinaratnāni kañcukau pāpamocakau
upānadānamatraiva kathitaṃ sarvakāmadam
yatra vā tatra vā snānaṃ dānaṃ cittānurūpataḥ ||”
“paurṇamāsyāntu yo māghe pūjayedvidhivacchivam
so'śvamedhamavāpyeha viṣṇuloke mahīyate ||” iti
iti nāradavacanāt kārttikodyāpanavad jñeyaḥ
atha phālgunapaurṇamāsyāṃ holikāpūjanamuktaṃ bhaviṣye—
“tapasyapūrṇimāyantu rajanyāṃ holikotsavaḥ |” iti
tatra paurṇamāsī pradoṣavyāpinī grāhyā
tadāha candraprakāśe nāradaḥ—
“pradoṣavyāpinī grāhyā pūrṇimā phālgunī sadā
tasyāṃ bhadrāmukhaṃ tyaktvā pūjyā holā niśāmukhe ||” iti
pradoṣastrimuhūrttātmakaḥ | yadā tu dinadvaye pradoṣavyāpinī tadottarā, pūrvadine bhadrārahitakālābhāvāt | tathā ca nirṇayāmṛtamadanaratnayoḥ purāṇasamuccaye—
“bhadrāyāṃ dīpitā holī rāṣṭrabhaṅgaṃ karoti vai
nagarasya ca naiveṣṭā tasmāttāṃ parivarjayet ||” iti
yadā pūrvadine pradoṣavyāpinī, paradine pradoṣe'bhāvaḥ, tadā tu
pūrvadine bhadrāṃ vihāya kāryā,
“rākāyāmaddhayādūrdhvaṃ caturdaśyāṃ yadā bhavet
holā bhadrāvasāne tu holikāṃ tatra dīpayet ||”
iti bhaviṣyottarācca | yadā pūrvadine pradoṣavyāptirna tatsāntvanā | atha ca bhadrārahitaḥ kālo na labhyate, uttaradine ca