Kaladipa p41
Kāladīpa p41
- Language
- Sanskrit
p41
atrāpyekabhaktavat ṣoḍhā bhidyate | udayakāle pūrvedyureva trimuhūrttavyāpinī | paredyureva trimuhūrttavyāpinī | ubhayatrāpi trimuhūrttavyāpinī | nobhayatra trimuhūrttavyāpinī | ubhayatrāpi sāmyena vaiṣamyeṇa vā trimuhūrttaikadeśavyā^1pinī ceti | atra prathamapakṣe khaṇḍatithitvābhāvānna sandehaḥ | tṛtīyādiṣu caturṣu pakṣeṣu astamayavyāpteḥ karmakālabāhulyasya ca lābhāt pūrvedyurevānuṣṭhānam | dvitīyapakṣe kṣayagāmitve trimuhūrttāmapyuttaraviddhāṃ parityajya pūrvedyurevānuṣṭhātavyam | vṛddhigāmitve sāmye ca paredyuriti nirṇayaḥ | atra mādhavācāryāḥ-paratraiva tathātvaṃ cet pūrvā grāhyā tithikṣaye | titheḥ sāmye ca vṛddhau ca gṛhyatāṃ tithiruttarā || iti
Linked texts (6)
- Gadādharapaddhati — Gadādhara Rājaguru 1725, Sanskrit
- Kālasāra — Nārāyaṇa Jyotirvit, Sanskrit
- Kālasāra — Gadādhara (Pāraskara commentator), Sanskrit
- Kālanirṇaya (Kālamādhavīya) — Mādhava, Sanskrit
- Smṛtimuktāphala — Vaidyanātha Dīkṣita 1575, Sanskrit
- Kālamādhavakārikāḥ — Mādhava Bhaṭṭa, Sanskrit