Samvatsaradidhiti 6.p1.14

6.p1.14

manūnsakṛt | pāṭhādbalipradānācca siddhimāpnoti mānavaḥ | upasargopaśāntyarthaṃ trirāvṛttaṃ paṭhennaraḥ | grahopaśāntau kartavyaṃ pañcāvṛttaṃ varānane | mahābhaye samutpanne saptāvṛttaṃ samunnayet | navāvṛttyā bhavecchāntirvājapeyaphalaṃ labhet | rājavaśyakyāya bhūtyai ca
rudrāvṛttamudīrayet | arkāvṛtteḥ kāmyasiddhivairahāniśca jāyate
manvāvṛttātpumānvaśyastathā strī vaśyatāmiyāt | saukhyaṃ pañcadaśāvṛttācchriyamapnoti mānavaḥ | kalāvṛttyā putrapautradhanadhānyāgamaṃ viduḥ | rājñāṃ bhītivimokṣāya caurasyoccāṭanāya ca | kuryātsaptadaśāvṛttaṃ tathāṣṭādaśakaṃ priye | mahāraṇyāvimokṣāya viṃśāvṛttaṃ paṭhetsudhīḥ | pañcaviṃśāvartanāttu bhavedbandhavimokṣaṇam
saṃkaṭe samanuprāpte duścikitsyāmaye tathā | jātidhvaṃse kulocchede āyuṣo nāśa āgate | vairivṛddhau vyādhivṛddhau dhananāśe
tathā kṣaye | tathaiva trividhotpāte tathā caivātipātake | kuryādyatācchatāvṛttaṃ tataḥ saṃpadyate śubham | śreyovṛddhiḥ śatāvṛttyā
rājyavṛddhistathā parā | manasā cintitaṃ devi siddhyedaṣṭottarācchatāt | śatāśvamedhayajñānāṃ phalamāpnoti suvrate | sahasrāvartanāllakṣmīrāvṛṇoti svayaṃ sthirā | bhuktvā manogatānkāmānnaro mokṣamavāpnuyāt | yathāśvamedhaḥ kratūnāṃ devānāṃ ca yathā hariḥ | stavānāmapi sarveṣāṃ tathā saptaśatīstavaḥ | athavā bahunoktena kimetena
varānane | caṇḍyāḥ śatāvṝttipāṭhātsarvāḥ siddhyanti siddhayaḥ