Samvatsaradidhiti 6.p1.22

6.p1.22

cikīrṣitaṃ tadavyavahitapūrvadine sāyāhnavyāpinyāṃ jyeṣṭharkṣasahitāyāṃ ṣaṣṭhyāṃ sāyāhne tatkāryam | ṣaṣṭhyabhāve tu pūrvedyustasminneva
kāle tatkāryam | jyeṣṭhānakṣatrayuktāyāṃ kuryādvilvābhimantraṇam
iti devīpurāṇavacanāt |—patrīpraveśātpūrvedyuḥ sāyāhne vilvavāsinīm | caṇḍīmāmantrayedvidvānnarātra ṣaṣṭhīpuraskriyā | iti brahmāṇḍapurāṇācca |—jyeṣṭhā vāpyathavā ṣaṣṭhī sāyaṃkāle na cedbhavet | sāyameva tathāpi syādvilvaśākhābhimantraṇam | dūrvāṃ ṣaṣṭhīṃ
sanakṣatrāṃ sāyaṃ prāptāmapi tyajet | yadā tu patrikāpūjā na paredyurbhaviṣyati | iti matsyasūktācca | yadā ca vṛddhivaśātpraveśadine
pūrṇā saptamī navamī ca svaprayuktapūjārhā paurvāhṇikī saptama hisyāścaturthadine bhavati tadā tryahasādhyamapi patrikāpūjanaṃ caturahvyāpi
kāryam | yadā vā praveśadinottaradine bhavettadā dvyahavyāpi
kāryam—vratī prapūjayeddevīṃ saptamyādidinatraye | dvābhyāṃ caturahobhirvā hrāsavṛddhivaśāttitheḥ | iti bhaviṣyokteḥ | patrikāpūjanaṃ ca prāksthāpitadevīpratimāsamīpe eva kāryam | pratimāpūjanasyāpi saptamyāmevetyuktapakṣe pratimāyāścāpi patrikayaiva saha praveśādivisarjanāntaṃ kāryamityuktaṃ durgābhaktitaraṅgiṇyām
atha prayogaḥ—uktavidhāyāṃ navamyāṃ prātaḥ ṣaṣṭhyāṃ vā sāyaṃ
śobhanabilvasamīpaṃ gatvā | oṃ bilvavṛkṣāya nama iti arghyaṃ
pañcopacārānpuṣpāñjaliṃ ca samarpya tatra durgāyai nama iti mantreṇa
durgāmāvāhya ṣoḍaśopacāraiḥ saṃpūjya gītavādyaghoṣeṇa tatra durgāṃ
vibodhayet | bilvālābhe patrikāntare vā—rambhā kumbhī haridrā