Manava Dharmashastra 3.249
Manvarthamuktāvalī 3.249
- Language
- Sanskrit
3.249
“ā samāpteḥ śarīrasya” (a0 2 ślo0 244) ityanena yāvajjīvamācāryaśuśrūṣāyā mokṣalakṣaṇaṃ phalam| idānīmācārye mṛte'pi evamityanenānantaroktavidhinā ācāryaputrādīnāmapyagniparyantānāṃ śūśrūṣako yo naiṣṭhikabrahmacaryamakhaṇḍitavrato'nutiṣṭhati sa uttamaṃ sthānaṃ brahmaṇtyātyantikalakṣaṇaṃ prāpnoti| na ceha saṃsāre karmavaśādutpattiṃ labhate|
kṣe0|
2||
pūrvatra "ā samāpteḥ śarīrasya" (a0 2 ślo0 244) ityanena naiṣṭhikabrahmacaryamuktaṃ na tatrāvadhyapekṣāṃ ā samāvartanādityanena copakurvāṇakasya sāvadhibrahmacaryamuktam| atastasyaiva gārhasthyādhikāraḥ| tatra kiyadavadhividhau brahmacarye tasya gārhasthyamityapekṣāyāmāha-