Manava Dharmashastra 3.45.5

Manubhāṣya 3.45.5

Language: Sanskrit

3.45.5

yathā tu vyākhyātaṃ tathā na kiñcidatrāpraśleṣeṇāpi vā tacchabdasya samāsopasarjanasyāsambandhena | parvāṇi vakṣyati | ‘amāvāsyāmaṣṭamīṃ ca paurṇamāsīṃ caturdaśīmiti’ | svadāranirataḥ | svadāreṣu nirataḥ syāttatprītibhāvanāparaḥ | athavā svadāreṣveva ramate na paradārānramayediti paradārapratiṣedhaḥ | sadā | yāvajjīvametadvrataṃ paripālanīyam | ataḥ sthitametat | trīṇi vākyānpatra-ṛtukālābhigāmī syādityetadekam, anutpannaputrasya niyamānuvādarūpam | dvitīyam bhāryāprayuktasya parvavarjamṛtāvantau ca, na suratecchayā | svadāranirata iti tṛtīyam | eṣāṃ ca padayojanā—ṛtukālābhigāmī syādapatyārtham, ratikāmyayā tu tadvrata enāṃ vrajet, svadāranirataśca syāt |

Previous: 3.45.4
Next: 3.46
Up: 3.45

Linked texts (1)

Mānava Dharmaśāstra — Manu & Bhṛgu, Sanskrit