Danasagara 27.1.2

27.1.2

^[4][pūrvānītadaśādhika]-gosahasrād godaśakamutkṛṣṭaṃ pṛthak kṛtvā, ^[5]gosahasraṃ ^[6][maṇḍapabahiḥ
vastramālyasovarṇa]-śṛṅgatilakādyabhimatābharaṇai raupyakhuraiścālaṅkārayeyuḥ^[7]| godaśakantu maṇḍapaṃ
praveśya nandikeśvaraveṣṭanena sthāpayeyuḥ ^[8]uktālaṅkāraiścālaṅkārayeyuḥ | tatpārśve coktapādukādyupakaraṇāni sthāpayeyuḥ | tato yajamānastadgodaśakam abhīṣṭavastramālyādibhiḥ pūjayet
tata ṛtvijo ^[9][maṅgalagītatūryavandighoṣeṣu satsu], kuṇḍasamīpastha-^[10][kumbhacatuṣṭayajalaṃ
sarvvauṣadhimiśraṃ kṛtvā, tena] yajamānaṃ snāpayeyuḥ
tato yajamānaḥ śuklamālyāmbaradharo ^[11]dhṛtasarvālaṅkāraḥ puṣpāñjalimādāya 'namo vo viśvamūrttibhya' ityādi-'pāhi sanātana' ityanta-mantrān paṭhitvā, daśa gāḥ pradakṣiṇīkṛtya puṣpāñjalinābhyarcyitvā, gosahasraṃ vṛṣaṃ nandikeśvarañca gandhamālyādibhirabhyarcya gurvṛtvikpramukhabrāhmaṇebhyo
dadyāt | ^[12][tad yathā-oṃ] adya yathāsambhavagotanāmabhyo gurvṛtvikpramukhabrāhmaṇebhyo
matsyapurāṇoktagosahasramahādāna^[13]-dānaphalaprāptikāmo'haṃ matsyapurāṇoktabhāgavyavasthayā ^[14]etā
vṛṣakāñcana- ^[15]ratnālaṅkṛta-lavaṇadroṇaśikharāropita-kauṣeyavastrācchādita-^[16][phalamālyekṣusahitanandikeśvarasahita-sovarṇaghaṇṭikā-tilaka-lalāṭapaṭṭa ratnakhacitaśṛṅgayugālaṅkṛta-kauṣeyavastrācchāditamālyagandhasamanvita-cāmaropaśobhita-pārśvanyasta]- pādukāyugopānadyuga-cchatra- bhājanāsana-^[17]godaśakakahitā ^[18]vastramālyabhūṣitāḥ suvarṇaśṛṅgāḥ suvarṇābharaṇā raupyapādāḥ sahasraṃ gā dadāni