Danasagara 27.1.3

27.1.3

pratigrahītāraḥ svastītyuktvā sāvitrīṃ paṭhitvā 'gāva etā rudradevatāḥ' ityuktvā, yathāśākhaṃ
kāmastutiṃ paṭheyuḥ | tato gurave ṛtvigbhyaśca dakṣiṇāṃ dadyāt | tad yathā-oṃ adya kṛtetaddānakarmapratiṣṭhārthaṃ yuṣmabhyamahaṃ dakṣiṇāmiyadutpattiyogyāṃ bhūmimetāni ratnāni ca¹ dadāni
brāhmaṇāḥ svastītyuktvā yathāyathaṃ gāḥ puccheṣu gṛhṇīyuḥ | yadvā gurvṛtvigbhya eva dadyāt | tatra
dānavākye oṃ adyāmukasagotrebhyo'mukāmukavedā mukāmukaśākhādhyāyibhyo'mukāmukadevaśarmabhyo
yuṣmabhyaṃ phalapuṣpopaśobhitapadmavarṇavitānakasahitā iti ca² niveśo viśeṣaḥ | tatra ca sopakaraṇanandikeśvarasahitaṃ goyugaṃ³ gośatadvayañca gurave deyam | ⁴[śeṣe ṛtvijāṃ samo vibhāgaḥ |]
tato yajamānastulāpuruṣavajjāpakebhyo dakṣiṇādānaṃ, dīnānāthāditarpaṇaṃ, puṇyāhādivācanam,
uktakrameṇa brāhmaṇebhyo vibhajya gosahasrapratipādanañca kuryāt | tatastaddinaṃ bandhusahito mahādānavidhigranthaṃ śrutvā dugdhamātrāhārastiṣṭhet | vipulaśrīkāma-⁵[stu taddinaṃ] brahmacaryamācaret
nandikeśvarasahitago-⁶śatadāne tu godaśakasthāne gaurekā, pūrvaghaṭitanandikeśvaraalaṅkārādisuvarṇadaśamabhāgasuvarṇena nandikeśvaraalaṅkārādighaṭanam | tadā ⁷ca ⁸maṇḍapābhyantarapraveśitāyā
gorekatvena vibhāgāsambhavāt "svalpeṣvi'ti pūrvottaradānayoḥ śruteḥ, asya ¹⁰sandeśapāṭhācca
gurureva brahmāṇḍadānavat ¹¹sarvaṃ kuryāt
iti gosahasramahādānaṃ ¹²samāptam
atha kāmadhenumahādānam | ( matsyapurāṇam-276 aḥ )
athātaḥ saṃpravakṣyāmi ¹[kāmadhenuvidhiṃ param ]
sarvakāmaphalaṃ nṝṇāṃ mahāpātakanāśanam