Kalaviveka 77.p1.37

77.p1.37

“madhyāhnātparato yatra caturddaśyanuvarttate
sinīvālīti sā jñeyā pitṛkṛtyeṣu niṣphaleti”
vacanena caturddaśīdine aparāhnalābhe'pi paradināparāhvavyāpinyā
grahaṇasyoktatvādidaṃ punaruktaṃ syāt | tasmāt yathoktameva sādhīyaḥ
ataeva chandogapariśiṣṭe kātyāyanaḥ | ‘pakṣādāvivelyādi'vacanena
pūrvāhnasyaiva vidhānāt abhyūsaṃbhramābhyāmapītyameva varṇitam
amāvāsyāyāñca vihitaṃ śrāddhādikaṃ yathā
“darśa snātvā pitṛbhyastu dadyāt kṛṣṇatilodakam
śrāddhantu vidhivaddadyāt santatistena varddhate ||”
tathā
“nīlabhadravimokṣeṇa amāvāsyāntilodakaiḥ
varṣāsu dīpadānena pitṝṇāmanṛṇī bhavet
na varttayati yaḥ śrāddhaṃ pramītapitṛko dvijaḥ
indukṣaye māsi māsi prāyaścittīyate tu saḥ
māsi māsyasite pakṣe pañcadaśyānnareśvara
aṣṭakāsu ca kurvīta kāmyānanyān śṛṇuṣva me ||”
daivantu tithinirṇaya evoktaṃ, aparāstvamāvāsyāyāṃ viśeṣāḥ
yathā hārītaḥ
"tulāmakarameṣeṣu kanyāyāṃ mithune tathā
bhūtaviddhāpyamāvāsyā pūjyā bhavati yatnataḥ ||"
daivakāryyaviṣayamidantu vacanaṃ bahubhirna likhitam
atha vārādiyogaiḥ puṇatamatattvam
tatra vyāsaḥ
"amāvāsyāṃ yadā vāro bhavedbhūmibhūtasya ca
gosahasraphalandadyāt snānamātreṇa jāhnavī
sinīvālī kuhūrvvāpi yadi somadine bhavet
gosahasraphalaṃ dadyāt snānaṃ yanmauninā kṛtam
amāvāsyāṃ yadā maitraviśākhāsvāttiyoginī
śrāddhe pitṛgaṇastṛptiṃ tadāpnotyaṣṭavārṣikīm
amāvāsyā yadā raudre puṣyarce ca punarvvasau
dvādaśābdaṃ tadā tṛptiṃ prayānti pitaro'rcitāḥ
vāsavājaikapādarce pitṝṇāṃ tṛptimicchatām
vāruṇena tvamāvāsyā devānāmapi durlabhā ||"